ఒక ఆలోచన ఆరుగురు కార్టూనిస్టుల మస్తిష్కంలో మధిస్తే ఎలా ఉంటుంది .

    ఒక ఆలోచన ఆరుగురు కార్టూనిస్టుల మస్తిష్కంలో మధిస్తే  ఎలా ఉంటుంది .  ఒక అద్భుతమైన  కార్టూన్ ఉద్భవిస్తుంది.  
    ఈ ఆలోచనకి భీజం వేసారు గురుదేవులు .

     నేను ఒక రోజు గురుదేవులతో  ఒక పోటి నిమిత్తం  వేస్తున్న కార్టూన్ గురించి ప్రస్థావిస్తూ ..., కంసుడి చెరసాల నుండి కృష్ణుడిని వసుదేవుడు , ఒక బుట్టలో యమునా నది దాటించే సన్నివేశం వివరిస్తున్నాను , ఆ ఆలోచన
గురువుగారికి  నచ్చి  ఈ టాపిక్ పైన మనం కార్టూన్ వేద్దాం ,  వసుదేవుడు కృష్ణుడిని బుట్టలో తీసుకెల్తున్నపుడు
కృష్ణుడి చేతిలో ఏముంటే బాగుంటుందో హాస్యస్పోరకంగా తెలపమన్నారు .

      ఇదే  ప్రశ్న మరో ఐదుగురు కార్టూనిస్టులని  అడిగారు .

     a v m  గారి ఐడియా  ;  రాధ  తన విసిటింగ్ కార్డ్  కృష్ణుడికి అందిస్తుంది .   ఇదొక అద్బుతమైన  ఆలోచన , రాధ                                        ఒక కల్పన, ఆవిడ భాగవతంలో, భారతంలో , ఎక్కడా కనిపించని , కవుల,కావ్యకర్తల                                            సృష్టి ,   ప్రేమదేవత . కృష్ణుడి కన్నా ముందుగానే ఈ సృష్టిలో ఉంది,   గోపికా లోలుడు                                           ముందుగా  ఆమె పొందాలని  విసిటింగ్ కార్డ్ అందిస్తుంది, ఎంత  గొప్ప ఆలోచన .

   బ్నిం  గారి ఐడియా  ;     ఆధార్  కార్డ్  పట్టుకోవడం .    సమయోచితమైన  ఆలోచన  ఇప్పుడు భారత దేశం                                                  మొత్తం ఆధార్ తో అనుసందానించ బడుతోంది ,  ఇది  చూడగానే నవ్వు పుట్టించే                                                  ఆలోచన .

   చక్రవర్తి గారి ఐడియా  ;   కృష్ణుడు  చంపాలనుకుంటున్న    పూతన, శకటాసురుడు, కంసుడు  మొదలగు వారి                                            లిస్టు   పట్టుకుని  ఉంటాడు .  కృష్ణుడి ఉద్దేశాన్ని  తెలిపే  గొప్ప తెలివైన ఆలోచన . 

   సునీల గారి ఐడియా  ;    కృష్ణుడి చేతిలో ఆపిల్ ఐపాడ్ , హెడ్ ఫోన్స్ పెట్టుకుని , గేమ్స్ ఆడుతున్నాడు .                                                    ఇప్పుడు మన ఇళ్ళల్లో చిన్ని కృష్ణులు ఆడే ఆటలన్నీ వీడియొ గేమ్స్ కదా .......,                                                  ఇప్పుడు కృష్ణుడు పుడితే ఆనాడు స్నేహితులతో  చేసిన అల్లరి చేయడేమో  ?    ఎంతటి                                          నిశితమైన పరిశీలనతో కూడిన ఆలోచన .      

సాయి కృష్ణ  గారి ఐడియా  ;   వెన్న దొంగ కృష్ణుడు , వెన్న  దొరక్క  చాకోబార్ తింటున్నాడు ,  మసకబారుతున్న
                                          పల్లె జీవనం ,  నవ్వాలి ఆలోచించాలి .  చాలా చక్కని ఆలోచన .

గురువులు జయదేవుల ఐడియా  ;   ఇదొక గొప్ప సందేశాత్మక , ఆలోచనాత్మక , పరిశీలనాత్మక  ఐడియా.......                                                            భగవత్ గీత  చదువుతున్న కృష్ణుడు .   ఇంతకన్నా సెల్ఫ్ హెల్ప్  సాహిత్యం                                                         ప్రపంచంలో మరెక్కడా లేదు . ఇంతకన్నా పిల్లలకు మార్గ నిర్దేశం చేసే                                                                 ఆలోచన ఏముంటుంది చెప్పండి .
ఈ కార్టూన్లో  బొమ్మలు గురువుగారు వేసినవి, ఆలోచనలు పైన తెలిపిన కార్టూనిస్టులు చేసినవి,  ఇక నా అదృష్టం ఏంటంటే  కేవలం టాపిక్ చెప్పినంత మాత్రాన గురువుగారు నా పేరును ఈ కార్టూన్లో పొందుపరచి , ఇంత గోప్ప కార్టూన్లో నన్ను భాగస్వామిని చేసారు .   గురువుగారికి అనంతకోటి వందనములు .
                                                   గురుభ్యోనమః  గురుభ్యోనమః గురుభ్యోనమః