గండం గడవలేదు

                                                               గండం గడవలేదు

            ఏయ్  ఆటో నేను చెప్పిన అడ్రస్ ఏంటి నువ్వు తీసుకేల్తున్నదేటు ....................
ఏయ్ పోరి మాట్లాడకుంట నోర్ముసుకుని కూసో , నేన్ తీస్కుపోయినదిక్కు సూడు ..., చల్ ,  అరిచాడు.
            ఏం జరగబోతుందో అప్పుడర్థమైంది ,  గుండె దడ పెరిగింది ..................,
రాత్రి తొమ్మిది దాటే వరకు షాపింగ్ చేసి వంటరిగా ........................,   షిట్ .॥॥
షాపింగ్ మాల్ దగ్గర పక్కింట్ పొకిరివెధవ రాజుగాడు లిఫ్ట్ ఇస్తానంటే వాడి వంకర బుద్ధి నచ్చక తిరస్కరించి, చక్కగా వచ్చి పులిబోనులో చిక్కినట్లైంది .  అయ్యో ....... అయ్యో ............!!!!!
     ఒంట్లో వణుకు మొదలైంది , నన్ను నేనే కాపాడు కోవాలి , గట్టిగా గుండెలనిండా గాలి పీల్చుకుని తక్షణ కర్తవ్యం ........... ఎలా ...... ఎలా .........!!!!!!
      క్రమంగా ఆటో జనావాసాలకు దూరంగా వెళ్తోంది , ఆటో వాడు వేగం పెంచాడు ....... ఏ క్షణమైనా నన్ను ..... వాడు .......
      ఇక ఆలోచించి లాభంలేదు , షాప్ లో కూరగాయలు కోయడానికని కొన్న కత్తి  బాగులోంచి టక్కున తీసి వాడి వీపుకి ఆన్చి పట్టుకున్న ..............,
      ఒరేయ్ మర్యాదగా ఆటో వెనక్కి తిప్పి నేను చెప్పిన దిక్కు వేల్లకపోయావో .............. గట్టిగా అరిచినంత పనిచేసాను .......... వాడు బెదరలేదు,     ఏయ్ చొక్రి బయపడతాననుకున్నావా ...... అయిసా మై బహుత్ దేఖా ........ గొంతు పెంచాడు .
      కత్తి చేతులోకి రాగానే ధైర్యం ఎక్కడి నుంచి వచ్చిందో , వాడి మాటలు పట్టించు కోకుండా కత్తి ని కాస్త గట్టిగా వాడి వీపుకి వత్తి పట్టుకుని ఆటో తిప్పుతావా లేదా ...... అరిచాను .
     కత్తి వాడి వీపులోకి గుచుకున్నట్లుంది చొక్కా చిరిగి రక్తం బోట బొటా .... కారడం మొదలైంది .
అబ్బా .......!!!!! ఒక్కసారిగా అరిచాడు .  మూ ..... ఆటో తిప్పు ......... నేను తగ్గలేదు .
    భయం నా నుండి వాడికి బదిలీ అయింది .......,
ఆటోని నేను చెప్పిన దారిలోకి మళ్ళించాడు
గుండెల్లోంచి తన్నుకొస్తున్న వణుకుని పంటికింద వత్తి పట్టుకుని  ఆటోవాన్ని , రోడ్డుని జాగర్తగా గమనిస్తున్నాను .
ఆటో మా ఇంటి రోడ్డుకి దగ్గరౌతుంది ........... అప్పుడు లిఫ్ట్ ఇస్తానన్న రాజుగాడు....... అవును వాడే అటువైపే వెళ్తున్నాడు ,   క్షణం కూడా ఆలోచించకుండా ............... రాజూ ............... అరిచాను . నా గొంతువినగానే  రాజు బండి ఆపి ఆటోకేసి చూసాడు .
       ఆపరా ....... ఆటోవాడికేసి చూస్తూ అన్నాను .....  ఆటో కాస్త నెమ్మదించగానె , ఒక్క అంగలో ఆటో దూకి వెళ్లి రాజు బైక్ పైనెక్కి కూర్చున్నాను క్షణాల్లో .....................
       ఆటో వాడు అక్కడినుండి వేగంగా కనుమరుగయ్యాడు ................
బైక్ ముందుకు కదిలింది .................. ఇంటికేనా ?............................ ఏం జరిగింది ?.......................
అకస్మాతుగా  అటో దిగి వాడి బైక్ పైన కూర్చున్న నన్ను కాస్త అనుమానంగా , ఆశ్చర్యంగా , అడుగుతున్నాడు ..........................
     అప్పటిదాకా గుండెల్లో అదిమి పట్టుకున్న దుఃఖం కళ్ళ నుండి తన్నుకొస్తుంది ......... ఆపుకోలేక పోతున్న ................................................ వాడు మాట్లాడుతున్నాడు , నాకు ఏమి విన్పించడం లేదు .......... భయం నా చెవిలో హూంకరిస్తోంది ........................... గండం గడవలేదు ...............!!!!!!!!
     రాజు ఒక మగాడే కద . 

పత్రికల్లో అచ్చైన నా మొట్ట మొదటి కార్టూన్ ఇది .

     పత్రికల్లో  అచ్చైన  నా మొట్ట మొదటి కార్టూన్ ఇది .

1998 లో నేను డిగ్రీ చదివే రోజుల్లో నా ప్రియ మిత్రుడు ప్రభాకర్ రెడ్డి యేలేటి  ఈనాడు పత్రికలో లేఖలు , వ్యాసాలూ వ్రాసేవాడు ,  కార్టూన్స్ గూర్చి ముందుగా తెలిసింది అతని  ద్వారానే, నాకు బొమ్మలు వేయడం వచ్చునని తెలుసుకుని కార్టూన్స్ గీయమని ప్రోత్సహించే వాడు,  కాని నేను పంపిన కార్టూన్స్ ఏవికూడా ప్రచురణకి ఎంపిక కాలేదు,  ఆ రోజుల్లో "శంకర్ శ్రీగద్దె  కార్టూనిస్టు" గారు ఆంధ్రభూమి వారపత్రికలో విరివిగా కార్టూన్స్ వేసేవారు,    ఒక రోజు ప్రభాకర్ రెడ్డి ,  శంకర్ శ్రీగద్దె గారితో పరిచయం చేసాడు,  ఆ రోజు కార్టూన్స్ ఎలా వేయాలి , ఎ సైజు , పంపే విదానం , అన్ని విషయాలు శంకర్ శ్రీగద్దె  గారు నాకు వివరంగా తెలియజేయడం  జరిగింది.
 
     డిగ్రీ తో నా చదువు ఆపేయడం , వ్యాపారంలో తలమునకలవడం , కార్టూన్ లని మరచి పోవడం  జరిగింది .

తరువాత  నా మిత్రుడు ప్రభాకర్ రెడ్డి యేలేటి  ఈనాడు దిన పత్రిక స్టాఫ్ రిపోర్టర్గా ఉద్యోగం లో స్థిరపడి, కొన్నాళ్ళకు మేము కలసి నపుడు కార్టూన్ల ప్రస్థావన తేవడం జరిగింది ,  మళ్ళి నా మనసు కార్టూన్ల వైపు మళ్ళింది .

    ఇక ఈ కార్టూన్  అచ్చు కావడానికి శంకర్ శ్రీగద్దె గారి సలహాలు ఎంతో ఉపయోగ పడ్డాయి , తరువాత  విజయ్ కార్టూనిస్ట్ గారు , వినోద్ కార్టూనిస్ట్ గారు , వడ్డేపల్లి వెంకటేష్ గారు, రామ్మోహన్ గారు, కందికట్ల s . v . గారు , అర్జున్ కార్టూనిస్ట్ గార్లు  ఎన్నో విలువైన సలహాలు , పత్రికల చిరునామలు  తెలియపరచి నేను కార్టూన్స్ వేయడానికి ఎంతో సహకరిస్తున్నారు .

   ఇప్పుడు  గురుదేవులు జయదేవ్ గారి అమూల్యమైన సూచనలతో , ప్రతి విషయం పైన ఆయన ఏర్పరుస్తున్న అవగాహనతో , ముందుకు సాగుతున్నాను .  గురుబ్యోనమః

   మిత్రులు , వెల్ విషర్ రామశేషు గారు నన్ను ఎంతగానో ప్రోత్సహిస్తున్నారు .

మన కార్టూనిస్టు మిత్రులలో ఉన్నంత ఆహ్లాద కర వాతావరణం , స్నేహ భావం , పరస్పర సహకారం , ఏ ఇతర రంగాలలో ఉండదు కాబోలు . జైహొ కార్టూన్లు, జైహొ కార్టూనిస్టులు .

 నా కార్టూనిస్టు మిత్రులు , గురువులు  అందరికి శత కోటి హ్రిదయపూర్వక  ధన్యవాదములు .
తెలుగు కార్టూనిస్టు లందరికి అనంత కోటి వందనములు .
     

అదేచూపు …

                                    బురఖా ధరించిన ఒక అమ్మాయి పొద్దున్నే వచ్చింది మా  షాపులోకి , నావైపు ఒక్క క్షణం ఓరగా చూసింది , “మీకు వచ్చే కొలతలతో ఒక షర్ట్  కావాలండి”  అడిగింది . “అదికూడ మీకు బాగా నచ్చిన , మీ షాప్ లోనే ఖరీదైన ,నాణ్యమైనది ” కావాలి .  చెబుతున్నంత సేపు నన్నే అదోలా చూస్తుంది ,ముఖం మొత్తం కప్పి ఉన్నా కళ్ళల్లో భావాలు స్పష్టంగా తెలుస్తున్నాయి .            షాపులో ఉన్న అన్నిరకాల ,నాణ్యమైన షర్ట్స్  తీసి చూపించాను.  కాసేపు చూసి మల్లి నన్నే వాటి లోంచి మంచి నాకు నచ్చిన  నాలుగు చొక్కాలుతీయమని , వాటన్నిటిని వేసుకుని చూడమంది  కాస్త అధికారికంగా .  ఈ సారికాస్త  కంగారు పడ్డాను.            నాకు బాగా నచ్చిన  ఒక చొక్కా ఎంపిక చేసుకుని , బేరం ఆడకుండానేను ఎంత చెబితే అంత నా చేతిలో పెట్టి,   “బాయ్”…………………...,  అంటూ మల్లి ఒక్క సారి ఓరగా చూసింది .  ఈ సారి ఆవిడ చూపు నా ఆలోచనల్నిఆవిడ చుట్టూ తిరిగేలా చేసింది .  ఇక ఆ రోజంత నేను నేనుగా లేను , ఆవిడాఎందుకలా చూసింది , నా సైజు చొక్కా ఎందుకు తీసుకుంది , ఎందుకు నన్నువేసుకుని చూడమంది ,  ఇదివర  కెప్పుడు షాపులో ఇలాంటి సంగటన జరగ లేదు .         భోం చేస్తున్నాను , మా ఆవిడ ఏదో చెబుతుంది , నా కేమి వినిపించడంలేదు, బురఖ స్త్రీ గురించే ఆలోచన  ……………………….ఆలోచిస్తూనే ఉన్న ఎప్పుడుపడుకున్ననో .          ఏమండి ….. ఏమండి ………………………., మా ఆవిడనన్ను కుదుపుతూ లేపింది,”అబ్బ ఎంటే అర్దరాత్రి నీ గోల ”                     ఒక్క క్షణం లేచి అలాగే కూర్చోండి,  అంటూ  వెళ్లిగదిలోనుండి అందంగా  అలంకరించిన ఒక అట్ట పెట్టె  తెచ్చి నా చేతిలో పెట్టి,  “పతిదేవులకు పుట్టిన రోజు శుభాకాంక్షలు ”  అంది ఆహ్లాదంగా నవ్వుతు………….. ,           ఒక్కసారిగా నా నిద్రమత్తు వదిలి పోయి , ఆనందం తో  ఉబ్బిపోయ………………………..,దగ్గరికి పిలుచుకుని నుదుటిపైన ముద్దుపెట్టుకుని , పక్కనేకూర్చోపెట్టుకుని , తను ఇచ్చిన బహుమతి విప్పిచూసా,          ఆశ్చర్యం ………………………… ఈషర్టు,…………………….., నేను,…………………,పొద్దున్న,………………..……….., బురఖా,……………..,స్త్రీ,……………, అంటే,,……………, బురఖాలో……………..,         అవునన్నట్లుగా  ఓరగా చూసింది మా ఆవిడ ……………… అదేచూపు ………………………..అవును అదే చూపు . - See more at: http://teluguvennela.org/ade-choopu/#sthash.jxdbnCvX.dpuf

" యండమూరి వీరేంద్రనాథ్ గారి పుస్తకంలో నా కార్టూన్ "

       
 " యండమూరి వీరేంద్రనాథ్ గారి పుస్తకంలో నా కార్టూన్ "
        నా కళ్ళను నేనే నమ్మలేకపోయాను ,  తెలుగుపాటకలోకాన్ని ఉర్రుతలూపే ..... అద్బుతమైన చిరస్థాయిగా నిలచిపోయే ఎన్నో గొప్ప రచనలు చేసిన చేస్తున్న , గొప్ప రచయిత .  హాస్యానందం మాస పత్రికలో ప్రచురితం ఐన నా కార్టూన్లలో ఒకటి  ఎంపిక చేసుకుని   "లోయనించి శిఖరానికి " పుస్తకంలో ప్రచురించారు , ఇది నాకు దక్కిన గొప్ప గౌరవంగా భావిస్తాను . హాస్యానందం పత్రిక సంపాదకులు రాము గారికి , ది గ్రేట్  యండమూరి వీరేంద్ర నాథ్  గారికి  హ్రిదయపూర్వక శతకోటి ధన్యవాదములు  

బహుమతి పొందిన నా మరో కార్టూన్

హాస్యానందం మాస పత్రిక   నిర్వహించిన quitefun  కాప్షన్ లెస్ compition లో 3rd ప్రైజ్ పొందిన ఈ కార్టూన్ ప్రక్యాత చిత్రకారిణి సువర్ణ భార్గవి గారి కార్టూన్ 1980 లో వేసిన దాన్ని పోలిఉండడం వివాదానికి దారితీసింది ..... ఇది కాపీ అని కొందరు ,కాదు ఒకేరకం ఆలోచనలు , ఒకేరకమైన సబ్జెక్టు తీసుకుంటే కలవడం సహజమని మరికొందరు మిత్రులు , మద్దతు పలకడం , ఇదివరకు ఇలాగే ఎంతోమంది కార్టూనిస్టుల కార్టూన్లు ఒకేరకంగా రావడం జరిగిందని ...... చర్చను ముగించడం జరిగిన్ది. 

DUSTBIN , ADICTED

                                              
                           

                                                                                                                                                            5thఅక్టోబర్ 2014, వార్త డైలీ లో ప్రచురింపబడిన  కార్టూన్స్ , మొదటిది నాగరికంగా అత్యంత ఆధునికతను సంతరించుకున్న మానవుడు ,అనాగరికంగా వ్యవహరిస్తూ , అనాలోచితంగా పాలితిన్ వాడకాన్ని విస్తృతంగా పెంచుకుంటూ ......... భూమండలాన్ని ఒక చెత్త బుట్టలా మార్చేస్తున్నాడు . పర్యావరణానికి ఎంతోహాని కలగాజేస్తున్నాడు.                                                                                                                                                           రెండవది , ఒక సామాజిక మాధ్యమానికి బానిసై దాని వెంట తోక ఊపుతూ తిరుగుతున్నాడు.  

GLOBALIZATION

                                                                                                                                                                               గ్లోబలైజేసన్  ..... అక్టోబర్ 2014 హాస్యానందం మాస పత్రిక లో బెస్ట్ కార్టూన్ అఫ్ ది మంత్ గా ఎంపికైన నా కార్టూన్ .  బహుమతి ప్రదాత శ్రీ సత్యనారాయణ గారికి , నా కార్టూన్ని బహుమతికి ఎంపిక చేసిన పత్రిక ఎడిటర్ శ్రీ రాము గారికి నా హ్రిదయపూర్వక ధన్యవాదములు ... రాముగారు గత మూడు సంవత్సరాలుగా నా కార్టూన్లను హాస్యానందం మాస పత్రికలో ప్రచురిస్తూ నన్ను ఎంతో ప్రోత్సహించడమే కాకుండా ...., నేను కోరగానే ,వెర్రి నాగన్న ఫీచర్ కార్టూన్స్ వేయడానికి  అనుమతించారు. నాకంటూ కార్టూనిస్టుగా ఒక ఇమేజ్ ఏర్పడింది అంటే దానికి నిస్సందేహంగా హాస్యానందం రాముగారి ప్రోత్సాహం ఎంతో ఉందని మనస్పూర్తిగా  చెప్పగలను. ఒక నన్నుమాత్రమే కాదు, తెలుగుకార్తూనిస్ట్ లందరినీ తన బుజాల పైన మోయడానికి ,ఎన్నో వ్యయ ప్రయాసలకోర్చి హాస్యానందం పత్రికను నడుపుతున్నారు  ది గ్రేట్ రాముగారు, హాట్సాఫ్ రాము సర్, మీకు  రుణపడి ఉంటాను.